yan tam santam padam abhisamecca,
Sakko ujū ca suhujū ca
suvaco c' assa mudu anatimānī,
Santussako ca subharo ca
appakicco ca sallahuka-vutti,
Santindriyo ca nipako ca
appagabbho kulesu ananugiddho.
Na ca khuddam samācare kiñci
yena viññū pare upavadeyyum.
Sukhino vā khemino hontu
sabbe sattā bhavantu sukhitattā.
Ye keci pāna-bhūtatthi
tasā vā thāvarā vā anavasesā,
Dīghā vā ye mahantā vā
majjhimā rassakā anuka-thūlā,
Ditthā vā ye ca aditthā
ye ca dūre vasanti avidūre,
Bhūtā vā sambhavesī vā
sabbe sattā bhavantu sukhitattā.
Na paro param nikubbetha
nātimaññetha katthaci nam kiñci,
Byārosanā patīgha-saññā
nāññam aññassa dukkham iccheyya.
Mātā yathā niyam puttam
āyusā eka-puttam anurakkhe,
Evam pi sabba-bhūtesu
mānasam bhāvaye aparimānam.
Mettañ ca sabba-lokasmim
mānasam bhāvaye aparimānam,
Uddham adho ca tiriyañ ca
asambādham averam asapattam.
Titthañ caram nisinno vā
sayāno vā yāva tassa vigata-middho,
Etam satim adhittheyya
brahmam etam vihāram idham āhu.
Ditthiñ ca anupagamma
sīlavā dassanena sampanno,
Kāmesu vineyya gedham
na hi jātu gabbha-seyyam punar etī ti
0 komentar:
Posting Komentar